YOTHA FC: กรกฎาคม 2012

วันศุกร์ที่ 27 กรกฎาคม พ.ศ. 2555

Former Yokohama F. Marinos manager Kokichi Kimura to manage Laos national team

Laos football Federation invites the coach from Japan to prepare the training for AFF Suzuki cup 2012 on Oct in Myanmar which Laos will participate in Qualifying matches with 4 teams from ASEAN

Kimura, a former striker for Yokohama F. Marinos, took over as manager in 2008, when he helped the team recover to a ninth-place finish as well as the Emperor's Cup semi-finals. He was dismissed after leading Marinos to a 10th place finish in 2009.

vientianemai and goal.com

Kokichi Kimura new Laos national head coach.

ສະຫະພັນບານເຕະແຫ່ງຊາດ ໄດ້ທ່ານ ໂກກິຊິ ກິມູຣະ ອະດີດຄູຝຶກຈາກສະໂມສອນ ໂຢໂກ ຣາມາລີນ໊ອບ ໃນເຈລີກ ຫຼື ລີກສູງສຸດຂອງປະເທດຍີ່ປຸ່ນ ມາຊ່ວຍກະກຽມນຳພານັກເຕະທີມຊາດລາວ ເຂົ້າຮ່ວມການແຂ່ງຂັນເຕະບານຊີງແຊັມອາຊຽນ ຫຼື ເອເອຟເອຟ ຊູຊູກິ ຄັບ 2012 ຮອບຄັດເລືອກ ທີ່ຈະຈັດຂຶ້ນຕົ້ນເດືອນຕຸລາ 2012 ນີ້ ທີ່ປະເທດມຽນມາ.

ທ່ານ ໂກກິຊິ ກິມູຣະ ກ່າວໃນພິທີເປີດໂຕທີ່ສະຫະພັນບານເຕະແຫ່ງຊາດ ເມື່ອອາທິດທີ່ຜ່ານມາວ່າ: ສຳລັບການເຂົ້າມາຮັບໜ້າທີ່ຄຸມທີມຊາດລາວຄັ້ງນີ້ ຖືວ່າເປັນວຽກທີ່ໜັກ ແລະ ທ້າທາຍສົມຄວນ ຊຶ່ງຈະເປັນການສ້າງປະສົບການເປັນຢ່າງສູງ ໃນເບື້ອງຕົ້ນຈະຄັດເລືອກເອົານັກກີລາທີ່ມີຄວາມສາມາດເຂົ້າມາເກັບໂຕຝຶກແອບ ຈຳນວນ 50 ຄົນ ເພື່ອກຽມຄັດເລືອກເອົານັກກີລາທີ່ມີພອນສະຫວັນ ແລະ ຄວາມສາມາດທີ່ດີ ໃນນັ້ນ ເປົ້າໝາຍທີ່ໄດ້ຄັດເລືອກແມ່ນເນັ້ນໃສ່ນັກກີລາທີ່ຫຼິ້ນຢູ່ໃນສາຍ ກ ທີ່ຫາກໍສຳເລັດໄປເມື່ອບໍ່ດົນມານີ້ ແລະ ງານກີລາສະຫຼອງວັນສ້າງຕັ້ງກີລາລາວ ທີ່ແຂວງຄຳມ່ວນ ເພື່ອເຂົ້າມາເກັບໂຕຝຶກຊ້ອມຕາມລະບົບ ພ້ອມທັງໃຫ້ໄດ້ຕາມແຜນ-ມາດຕະຖານທີ່ກຳນົດໄວ້ ສ່ວນຄວາມຫວັງນັ້ນ ຈະພະຍາຍາມເຮັດໃຫ້ສຸດຄວາມສາມາດ ເພື່ອຜ່ານຮອບຄັດເລືອກເຂົ້າໄປຫຼິ້ນໃນຮອບສຸດທ້າຍຕໍ່ໄປ.

ສຳລັບຮອບຄັດເລືອກ ຊຶ່ງມີ 5 ຊາດເຂົ້າຮ່ວມ ປະກອບມີ: ມຽນມາ (ເຈົ້າພາບ) ກຳປູເຈຍ ບຣູໄນ ຕີມໍເລສເຕ ແລະ ສປປ ລາວ ຈະແຂ່ງຂັນລະຫວ່າງວັນທີ 5-13 ຕຸລາ 2012 ທີ່ປະເທດມຽນມາ ແຂ່ງແບບພົບກັນໝົດ ເພື່ອຄັດເອົາ 2ທີມ (ທີມອັນດັບ 1-2) ຜ່ານເຂົ້າສູ່ຮອບແບ່ງກຸ່ມຕໍ່ໄປ.

วันพฤหัสบดีที่ 19 กรกฎาคม พ.ศ. 2555

LAO LEAGUE 2013 CHAMPASAK AND SAVANNAKHET WILL JOIN.

ລີກສາຍ ກ ລະດູການ 2013 ອາດເພີ່ມທີມຕ່າງແຂວງ

ພາຍຫຼັງສຳເລັດການແຂ່ງຂັນເຕະບານລີກສາຍ ກ ລະດູການ 2012 ເມື່ອທ້າຍອາທິດຜ່ານມາ ຊຶ່ງສະໂມສອນ ປກສ ສ້າງປະຫວັດສາດ ຄວ້າແຊັມເປັນສະໄໝທຳອິດມາຄອງ ດັ່ງນັ້ນ ສະຫະພັນບານເຕະແຫ່ງຊາດລາວ (ສຕລ) ກໍ່ສືບຕໍ່ກຽມຄວາມພ້ອມໃນການຈັດການແຂ່ງຂັນໃນລະດູການ 2013 ໂດຍຈະວາງແຜນດຶງເອົາທີມເກັ່ງຈາກແຂວງພາກໃຕ້ ກໍ່ຄືສະຫວັນນະເຂດ ແລະ ຈຳປາສັກ ເຂົ້າຮ່ວມ ພ້ອມທັງຈະມີການໃຫ້ແຕ່ລະສະໂມສອນກຽມສະໜາມຕົນເອງເພື່ອແຂ່ງຂັນໃນບ້ານແລະ ນອກບ້ານ.

ຈາກການໃຫ້ສຳພາດຂອງທ່ານ ໄຊບັນດິດ ຣາຊພົນ ຮອງປະທານ ແລະ ເລຂາທິການ ສຕລ ກັບທີມຂ່າວກີລາ ໃນວັນທີ 16 ກໍລະກົດ 2012 ວ່າ: ສຳລັບການແຂ່ງຂັນເຕະບານລີກສາຍ ກ ລະດູການໜ້າທີ່ຈະເປີດສາກຂຶ້ນຕົ້ນປີ 2013 ນີ້ ຄາດວ່າຈະມີຈຳນວນ 10 ທີມຄືເກົ່າ ຫຼື ຫຼາຍກວ່າເກົ່າ ໂດຍພວກເຮົາມີແຜນກຽມດຶງເອົາທີມເກັ່ງຈາກພາກໃຕ້ ເຊັ່ນ ສະຫວັນນະເຂດ ແລະ ຈຳປາສັກ ເຂົ້າຮ່ວມຄັດເລືອກກັບທີມທີ່ຢູ່ອັນດັບ 8-9 (ເພື່ອນພັດທະນາ ແລະ ລາວລ້ານຊ້າງ) ລະດູການ 2012ຜ່ານມາ ແລະ ອີກສອງທີມຈາກສາຍ ຂ ເພື່ອຄັດເອົາທີມທີ່ໄດ້ມາດຕະຖານຮ່ວມລີກສາຍ ກ ລະດູການໜ້າ ນອກຈາກນີ້ ປີໜ້າພວກເຮົາຈະມີການປ່ຽນແປງລະບົບການແຂ່ງຂັນ ເພື່ອແຂ່ງຂັນໃນບ້ານ ແລະ ນອກບ້ານ ໂດຍສະເພາະຈະໃຫ້ແຕ່ລະສະໂມສອນປັບປຸງສະໜາມຂອງຕົນເອງ ເພື່ອກຽມໃສ່ໃຫ້ທັນກັບການແຂ່ງຂັນລະດູການໜ້າ.

วันอังคารที่ 17 กรกฎาคม พ.ศ. 2555

ເຕະບານຊີງຂັນທ່ານນາຍົກ ກຽມເປດແຂ່ງຂັນຮອບຄັດເລືອກຕົ້ນເດືອນຕຸລານີ້

ການແຂ່ງຂັນເຕະບານຊີງຂັນພະນະທ່ານນາຍົກລັດຖະມົນຕີ ແຫ່ງ ສປປ ລາວ ປະຈຳປີ 2012 ຮອບຄັດເລືອກທົ່ວປະເທດ ກຽມຈັດແຂ່ງຂັນໃນລະຫວ່າງຕົ້ນເດືອນຕຸລາ 2012 ນີ້ ເພື່ອຄັດເອົາ 8 ທີມ ເປັນຕົວແທນຂອງແຕ່ລະເຂດເຂົ້າມາຫຼິ້ນໃນຮອບສຸດທ້າຍ ທີ່ນະຄອນຫຼວງວຽງຈັນ ຮ່ວມກັບ 4 ທີມຈາກສາຍ ຂ (ທີມທີ່ມີຄະແນນຕິດ 1 ໃນ 4).

ທ່ານ ດຣ.ໄຊບັນດິດ ຣາຊພົນ ເລຂາທິການສະຫະພັນບານເຕະແຫ່ງຊາດ (ສຕລ) ໃຫ້ສຳພາດກັບທີມຂ່າວພວກເຮົາ ໃນວັນທີ 11 ກໍລະກົດ 2012 ວ່າ: ເພື່ອເປັນການສືບຕໍ່ພັດທະນາວົງການເຕະບານຮຸ່ນສືບທອດ ໃຫ້ນັບມື້ມີບົດບາດຂະຫຍາຍຕົວຢ່າງກວ້າງຂວາງຂຶ້ນເລື້ອຍໆ ດັ່ງນັ້ນ ໃນລະຫວ່າງຕົ້ນເດືອນຕຸລາ 2012 ນີ້ ທາງ ສຕລ ຈະສືບຕໍ່ຈັດການແຂ່ງຂັນເຕະບານໃນຂອບເຂດທົ່ວປະເທດ ຊີງຂັນພະນະທ່ານນາຍົກລັດຖະມົນຕີ ໂດຍກົດລະບຽບຂອງການແຂ່ງຂັນຈະໃຊ້ກົດລະບຽບເກົ່າກໍຄື ຈະມີການໄປຄັດເອົາ 8 ທີມທີ່ເປັນຕົວແທນຂອງແຕ່ລະເຂດ (4 ເຂດ ເຂດລະ 2 ທີມ ຈາກ 16 ແຂວງ) ເຂົ້າມາຫຼິ້ນໃນຮອບສຸດທ້າຍຮ່ວມກັບ 4 ທີມຈາກສາຍ ຂ ໃນນະຄອນຫຼວງວຽງຈັນ ຊຶ່ງຮອບສຸດທ້າຍຈະມີທັງໝົດ 12 ທີມ ແລະ ຄາດວ່າຈະທຳການແຂ່ງຂັນໃນລະຫວ່າງທ້າຍເດືອນພະຈິກ 2012 ນີ້.

ສຳລັບການແຂ່ງຂັນຮອບຄັດເລືອກທີ່ນະຄອນຫຼວງວຽງຈັນປີນີ້ ຈະບໍ່ມີທີມໃນລະດັບສາຍ ກ ເຂົ້າຮ່ວມແຕ່ຢ່າງໃດ ເນື່ອງຈາກວ່າປີນີ້ ສຕລ ຈະຄັດເອົາທີມທີ່ແຂ່ງຂັນໃນລະດັບສາຍ ຂ ເທົ່ານັ້ນ ເພື່ອເຮັດການແຂ່ງຂັນມີສີສັນຂຶ້ນຕື່ມ ຊຶ່ງຮອບຄັດເລືອກສາຍ ຂ ຄາດວ່າຈະຈັດຂຶ້ນໃນລະຫວ່າງຕົ້ນເດືອນສິງຫາ 2012 ທີ່ຈະເຖິງນີ້.

From Vientianemai.net

POLICE FC CHAMPION 2012, YOTHA FC RUNNERS-UP

ປກສ ຄອງຂັນຊະນະເລີດເຕະບານລີກ ສາຍ ກ

ສະໂມສອນກະຊວງປ້ອງກັນຄວາມສະຫງົບ (ປກສ) ຄອງຂັນຊະນະເລີດເຕະບານລີກສາຍກ ປະຈຳລະດູການ 2012 ຫຼັງຈາກລົງສະໜາມນັດສຸດທ້າຍ ສະເໜີກັບສະໂມສອນເອສຣາ 1-1 ພ້ອມທັງຄວ້າແຊ້ມເປັນສະໄໝທຳອິດ ແລະເປັນຄັ້ງປະຫວັດສາດຂອງສະໂມສອນອີກດ້ວຍ... ຂະນະທີ່ແຊັມເກົ່າ ສະໂມສອນໂຍທາ ໄດ້ພຽງອັນດັບ 2 ແລະ ອັນດັບ 3 ຕົກເປັນຂອງນະຄອນຫຼວງວຽງຈັນ.

ພາຍຫຼັງທີ່ທຳການແຂ່ງຂັນມາຕັ້ງແຕ່ຕົ້ນເດືອນກຸມພາ 2012 ຜ່ານມາ ສຳລັບການແຂ່ງຂັນເຕະບານລີກ ສາຍ ກ ປະຈຳລະດູການ 2012 ກໍໄດ້ປິດສາກການແຂ່ງຂັນລົງຢ່າງເປັນທາງການແລ້ວ ໃນວັນທີ 14 ກໍລະກົດ 2012 ທີ່ສະໜາມກີລາແຫ່ງຊາດ ໂດຍມີການແຂ່ງຂັນສອງຄູ່ ເປັນການພົບກັນລະຫວ່າງ ການບິນລາວ ພົບ ລາວລ້ານຊ້າງ ແລະ ເອສຣາ ພົບ ປກສ.

ສຳລັບຜົນການແຂ່ງຂັນນັດປິດລະດູການປະກົດວ່າ ການບິນລາວ ຊະນະ ລາວລ້ານຊ້າງ ຂາດຮອຍ 6-0 ສ່ວນຜົນການແຂ່ງຂັນຄູ່ທີສອງ ເອສຣາ ກັບ ປກສ ເກມນີ້ ເອສຣາ ບໍ່ມີລຸ້ນຫຍັງແລ້ວ ແຕ່ກໍຫຼິ້ນເພື່ອສັກສີ ຂະນະທີ່ ປກສ ຫຼັງອີງຝາ ຕ້ອງຊະນະ ຫຼື ສະເໝີ ເປັນຢ່າງໜ້ອຍ ຈຶ່ງຈະສາມາດຄວ້າແຊັມມາຄອງ ເນື່ອງຈາກມີຄະແນນເທົ່າກັບໂຍທາ (ໂຍທາ ແຂ່ງຄົບ 18 ນັດແລ້ວ) ແຕ່ປະຕູໄດ້-ເສຍເປັນຮອງ ແນວໃດກໍຕາມ ເກມນີ້ ປກສ ໄດ້ປະຕູຂຶ້ນນຳກ່ອນນາທີໆ 30 ຈາກການຍິງຂອງຄຸນສົມບັດ ສ່ວນ ເອສຣາ ມາໄດ້ປະຕູຕີສະເໝີໃນນາທີໆ 86 ຈາກ ວິລະຍຸດ ໄຊຍະບຸນຊູ ຈົບ 90 ນາທີ ປກສ ສະເໝີກັນໄປ 1-1 ແບ່ງກັນໄປທີມລະແຕ້ມ ສົ່ງຜົນໃຫ້ ປກສ ຄວ້າແຊັມເປັນສະໄໝທຳອິດ ແລະ ເປັນຄັ້ງປະຫວັດສາດຂອງສະໂມສອນ ພ້ອມກັບຮັບເງິນລາງວັນ 100 ລ້ານກີບ ອັນດັບສອງໄດ້ຮັບ 50 ລ້ານກີບ ແລະ ອັນດັບສາມ ໄດ້ຮັບ 20 ລ້ານກີບ.

From vientianemai.net

วันพฤหัสบดีที่ 12 กรกฎาคม พ.ศ. 2555

ເລັ່ງສ້າງນັກເຕະບານຮຸ່ນນ້ອຍ ໃຫ້ກາຍເປັນຜູ້ສືບທອດ

(ຂປລ): ເພື່ອເປັນການສ້າງນັກກິລາເຕະບານຮຸ່ນສືບທອດ ຂອງສະຫະພັນບານເຕະແຫ່ງຊາດ (ສຕລ) ຈຶ່ງມີແຜນເລັ່ງສ້າງນັກເຕະບານຮຸ່ນນ້ອຍ ດ້ວຍການຈັດການແຂ່ງຂັນ ຢ່າງຕໍ່ເນື່ອງ ໃນໂຮງຮຽນ ເພື່ອໃຫ້ກາຍເປັນນັກເຕະບານສືບທອດຜູ້ທີ່ເຂັ້ມແຂງໃນຕໍ່ຫນ້າ

ທ່ານ ດຣ. ໄຊບັນ ຣາຊະພົນ, ເລຂາທິການ ສະຫະພັນບານເຕະແຫ່ງຊາດ ໃຫ້ສຳພາດວ່າ: ຍາມໃດ ສຕລ ກໍມີຈຸດປະສົງພັດທະນາວົງການບານເຕະລາວ ໃຫ້ເທົ່າທຽມກັບລະດັບ ພາກ ພື້ນ ແລະ ສາກົນ, ໃນໄລຍະຜ່ານມາ ໄດ້ເນັ້ນໃສ່ການສ້າງແຕ່ນັກເຕະຮຸ່ນໃຫຍ່ ເຂົ້າຮ່ວມການແຂ່ງຂັນເລີຍ. ແຕ່ຜ່ານການແລກປ່ງນບົດຮຽນກັບຫລາຍໆປະເທດ ແລະ ໄດ້ຮັບທຶນ ຈາກ FIFA ແລະ AFC ເພື່ອພັດທະນານັກເຕະບານລະດັບ ໂຮງຮຽນປະຖົມ ແລະ ມັດທະຍົມ (U-12, U- 14 ແລະ U-16), ດັ່ງນັ້ນ ໃນຕໍ່ຫນ້າ ສະຫະພັນບານເຕະແຫ່ງຊາດ ຈຶ່ງຈະຈັດການແຂ່ງຂັນລະດັບນີ້ຂຶ້ນ ຢູ່ທີ່ນະຄອນຫລວງວຽງຈັນກ່ອນ. ເຊິ່ງຈະມອບໃຫ້ແຕ່ລະໂຮງຮຽນ ສ້າງນັກເຕະຂອງຕົນເພື່ອເຂົ້າຮ່ວມການແຂ່ງຂັນດັ່ງກ່າວ. ຖ້າຫາກເຮົາບໍ່ເລີ່ມ ສ້າງນັກເຕະບານຮຸ່ນນີ້ຂຶ້ນມາ ມັນຈະບໍ່ເປັນການດີຕໍ່ການພັດທະນາກິລາບານເຕະໃນສະເພາະຫນ້າ, ເພາະວ່າ ນັກກິລາທີມຊາດຮຸ່ນໃຫຍ່ ພໍອາຍຸເກີນກໍຕ້ອງຢຸດການຫລິ້ນໄປໃນຕົວ. ດ້ວຍເຫດນີ້ ມັນຈຶ່ງຈຳເປັນທີ່ ສຕລ ຕ້ອງໄດ້ພັດທະນາເດັກນ້ອຍໃຫ້ກາຍມາເປັນຕົວແທນໃຫ້ແກ່ນັກກິລາທີ ມຊາດໃນປະຈຸບັນ, ພ້ອມນີ້ ສຕລ ຍັງຈະໃຫ້ການສະຫນັບສະຫນູນ ໃຫ້ຈັດການແຂ່ງຂັນ ຕະຫລອດຮອດສະຫນອງກຳມະການຕັດສິນ ແລະ ເງິນລາງວັນຕ່າງໆ ໃຫ້ແກ່ນັກກິລາ, ຄຽງຄູ່ກັບການເປີດໂອກາດໃຫ້ ບັນດາສະໂມສອນກິລາບານເຕະຂອງລາວ ໄດ້ມີໂອກາດຄັດເລືອກເອົານັກກິລາທີ່ເກັ່ງເຂົ້າໄປສັງກັດໃນສະໂມ ສອນຂອງຕົນ. ເນື່ອງຈາກຫລາຍສະໂມສອນ ຍັງຂາດໂອກາດໃນການຊອກຄົ້ນນັກກິລາຢູ່ແຕ່ລະເມືອງ ກໍຄືແຕ່ລະບ້ານ ເພາະບໍ່ມີງົບປະມານ, ດັ່ງນັ້ນ ໂອກາດນີ້ ຈຶ່ງເປັນເງື່ອນໄຂທີ່ດີໃຫ້ແກ່ທຸກຝ່າຍ ບໍ່ວ່າຈະເປັນສະໂມສອນ ຄັດເລືອກໄດ້ນັກກິລາ ຕະຫລອດຮອດ ສຕລ ກໍມີນັກກິລາທີມຊາດໄວຫນຸ່ມ ເຂົ້າມາຮັບໃຊ້ຊາດ.

ທ່ານ ດຣ. ໄຊບັນ ຣາຊະພົນ ກ່າວຕື່ມອີກວ່າ: ປະຈຸບັນ ສະໂມສອນບານເຕະ ທີ່ສາມາດສ້າງໄດ້ນັກກິລາທຸກຮຸ່ນ ແມ່ນ ສະໂມສອນ ເອສຣາ ເຊິ່ງເປັນສະໂມສອນທີ່ໂດດເດັ່ນຢູ່ໃນລາວ ເພາະນັກກິລາທີມຊາດທຸກຮຸ່ນ ແມ່ນມີນັກກິລາຂອງ ສະໂມສອນ ເອສຣາ ຮ່ວມຢູ່ນຳ, ພ້ອມນີ້ ຍັງສາມາດສົ່ງນັກເຕະບານໄປຫລິ້ນໃຫ້ກັບສະໂມສອນຂອງໄທອີກດ້ວຍ. ນອກຈາກນີ້ ສະໂມສອນບານເຕະ ປກສ ໄດ້ເລີ່ມສ້າງນັກກິລາຮຸ່ນສືບທອດແລ້ວເຊັ່ນກັນ, ດັ່ງນັ້ນ ສຕລ ຈຶ່ງຮຽກຮ້ອງມາຍັງທຸກສະໂມສອນໃນນະຄອນຫລວງວຽງຈັນເອງ ກໍຄື ຕ່າງແຂວງ ຈົ່ງໃຫ້ຄວາມສຳຄັນໃນການສ້າງນັກເຕະບານຮຸ່ນສືບທອດຂອງຕົນເອງ ຂຶ້ນມາ ເຊິ່ງນອກຈາກຈະມີນັກກິລາທີ່ເກັ່ງໃນສະໂມສອນແລ້ວ, ຍັງສາມາດຂາຍນັກເຕະບານໃຫ້ສະໂມສອນອື່ນ ກໍຄືຂາຍໃຫ້ກັບສະໂມສອນປະເທດເພື່ອນບ້ານອີກດ້ວຍ.