ສະຫະພັນບານເຕະແຫ່ງຊາດລາວ (ສຕລ) ສະຫຼຸບຜົນງານການເຄື່ອນໄຫວ ພ້ອມທັງມອບລາງວັນຕ່າງໆໃຫ້ແກ່ລີກສາຍ ກ ປີ 2011 ແລະ ບານເຕະຍິງຊີງຂັນປະທານສະພາແຫ່ງຊາດ 2011 ຂຶ້ນ ໃນວັນທີ 16 ມີນາ 2012 ຜ່ານມາ ທີ່ໂຮງແຮມເມີກຽວ (ໂນໂວເທວເກົ່າ) ໂດຍເປັນກຽດເຂົ້າຣ່ວມຂອງທ່ານ ແສງພອນ ພົນອາມາດ ຫົວໜ້າກົມກີລາລະດັບສູງ ກະຊວງສຶກສາທິການ ແລະ ກີລາ ທ່ານ ວີເພັດ ສີຫາຈັກ ປະທານສະຫະພັນບານເຕະແຫ່ງຊາດ ມີບັນດາການນຳແຕ່ລະສະໂມສອນ ກຳມະການ ຄູເຝິກ ແລະ ນັກກີລາ ເຂົ້າຮ່ວມ.
ສຳລັບລາງວັນທີ່ທາງ ສຕລ ມອບໃຫ້ຄັ້ງນີ້ ປະກອບມີ: ທີມຊະນະເລີດເຕະບານສາຍ ກ ປະຈຳປີ 2011 ສະໂມສອນໂຍທາທິການ ແລະ ຂົນສົ່ງ ໄດ້ຣັບຂັນຊະນະເລີດ ພ້ອມເງິນສົດ 100 ລ້ານກີບ ຮອງຊະນະເລີດ ສະໂມສອນທະນາຄານ ໄດ້ຮັບເງິນສົດ 50 ລ້ານກີບ ແລະ ອັນດັບ 3 ສະໂມສອນເອສຣາ ໄດ້ຣັບເງິນສົດ 20 ລ້ານກີບ ນອກຈາກນີ້ ຍັງມີທີມມາລະຍາດດີເດັ່ນ ທີມຍິງບ້ານແສນດິນ ທີມຊາຍອິດສະເຕິນສະຕາ ຄູເຝິກດີເດັ່ນ ທີມຍິງ ທ່ານ ບຸນຫຼີ ຈາກທີມມະຫາວິທະຍາໄລແຫ່ງຊາດ ທີມຊາຍ ທ່ານ ບ່ຽງຊູນາ ຈາກສະໂມສອນເອສຣາ ກຳມະການຕັດສິນດີເດັ່ນ ປະເພດຍິງ ທ່ານ ຄາລົມ ປັນຍາທອງ ປະເພດຊາຍ ທ່ານ ພອນສຸກ ສິນເຕໂຊ ກຳມະການຊ່ວຍດີເດັ່ນຍິງ ທ່ານນາງ ແຕ໋ວ ພູແກ້ວ ປະເພດຊາຍ ທ່ານ ສົມພາວັນ ຫຼວງລາດ ນັກກີລາດີເດັ່ນຍິງ ນາງ ສຸຈິດຕາ ພົມຫາລາດ ປະເພດຊາຍ ທ້າວ ສຸກອາພອນ ວົງຈຽງຄຳ ຜູ້ຍິງປະຕູສູງສຸດຍິງ ນາງ ສຸພາວັນ ໄພວັນ ແລະ ປະເພດຊາຍ ທ້າວ ແລມໂບ້ ໄຊຊະນະ.
ไม่มีความคิดเห็น:
แสดงความคิดเห็น