ສະໂມສອນກະຊວງປ້ອງກັນຄວາມສະຫງົບ (ປກສ) ສະແດງຄວາມເກັ່ງສົມລາຄາ ຫຼັງຈາກໄລ່ບຽດເອົາຊະນະສະໂມສອນການບິນລາວ ທີມນ້ອງໃໝ່ໄປ 3-1ພ້ອມທັງມີຄະແນນນຳໜ້າໃນຕາຕະລາງເຕະບານລີກ ສາຍ ກ ຂະນະທີ່ ແຊັມເກົ່າ ໂຍທາທິການ ກັບມາໄລ່ຖະຫຼົ່ມເພື່ອນພັດທະນາໄປແບບສະບາຍ 11-0.
ການແຂ່ງຂັນເຕະບານລີກ ສາຍ ກ ລະດູການ 2012 ຮອບຂາໄປ ນັດກາງສັບປະດາ (20 ມີນາ 2012) ທີ່ສະໜາມກີລາແຫ່ງຊາດ ຫຼັກ 16 ມີການແຂ່ງຂັນ 2 ຄູ່ ຄູ່ທຳອິດເປັນການພົບກັນລະຫວ່າງ ເພື່ອນພັດທະນາພົບໂຍທາທິການ ແລະ ຂົນສົ່ງ ຄູ່ນີ້ຜົນປະກົດວ່າ ໂຍທາເປັນຝ່າຍໄລ່ເອົາຊະນະໄປໄດ້ຕາມຄາດ 11-0ສົ່ງຜົນໃຫ້ໂຍທາມີຄະແນນເພີ່ມເປັນ 12ຄະແນນ ຫຍັບຂຶ້ນອັນດັບ 2ຈາກການລົງສະໜາມ 6ນັດ ຊະນະ 4ແລະ ເສຍ 2ສ່ວນເພື່ອນພັດທະນາລົງສະໜາມ 6ນັດ ຊະນະ 1ເສຍ 5ມີພຽງ 3ຄະແນນເທົ່ານັ້ນ.
ຂະນະທີ່ຜົນອີກຄູ່ ປກສ ເປັນຝ່າຍບຽດເອົາຊະນະການບິນລາວໄປໄດ້ 3-1ສົ່ງຜົນໃຫ້ ປກສ ມີ 15ຄະແນນ ຈາກການລົງສະໜາມ 6ນັດ ຊະນະ 5ເສຍ 1ຍັງຄົງຄອງຕຳແໜ່ງທີມນຳໃນຕາຕະລາງຕໍ່ໄປ ສ່ວນການບິນລາວລົງສະໜາມໄປແລ້ວ 5ນັດ ຊະນະ 2ເສຍ 3ມີ 6ຄະແນນ.
ສຳລັບຕາຕະລາງແຂ່ງຂັນນັດຕໍ່ໄປ ທີ່ສະໜາມກີລາແຫ່ງຊາດ ຫຼັກ 16 ມີດັ່ງນີ້
+ ວັນທີ 24ມີນາ 2012
- ປກສ ພົບ ອິດສະເຕິນສະຕາ ເວລາ 15:00 ໂມງ.
- ກອງທັບ ພົບ ເພື່ອນພັດທະນາ ເວລາ 16:00 ໂມງ.
- ລາວລ້ານຊ້າງ ພົບ ນະຄອນຫຼວງ ເວລາ 17:15 ໂມງ.
+ ວັນທີ 25ມີນາ 2012
- ການບິນລາວ ພົບ ລາວ-ອາເມລິກາ ເວລາ 16:00 ໂມງ.
- ໂຍທາທິການ ພົບ ເອັສຣາ ເວລາ 17:00 ໂມງ.
ไม่มีความคิดเห็น:
แสดงความคิดเห็น